( يلعــن أمكــ )

بسم اللــه الرحمن الرحيم



الســـلام عليكــم ورحمة الله وبركاته...

اليوم جايبه لكم موضوع انتشر في الاونه الاخيره وبشكل فضيييع وخطييير... وهو




ماتلاحظون إن كلمة ( يلعن أمكــ )

إنتشرت إنتشار غريب ومريب!
وصار الي يقولها عـــــااادي جداً .. كأنه قايل
(السلام عليكم)

والاغرب إن اللي تنقال له عادي عنده!!
كيف ترضى على امكـ ؟! وليش ؟!

وحتى بعض البنات اللحين بـ العكس صارت
عندهم يلعـن أمـك [مدحه] !!

أو هذا تعبير عن الحماس في سالفـةٍ مـا !

مثـلآ ..


يجي واحد يقول : والله أمس سويت كذا وسويت كذا ..



يجي الثاني يقول : يلعـن أمـك ياشيخ !!



و إذا قال لـه
[يلعـن أمـك ]
مـدّ هالخشه شبرين كأنه قايل له شعر يمدحه !


و إلاّ بعض الشبـاب .. واحد يسأل الثـاني :

وش رايك باللاعب الفلاني ..؟


يقول : يلعـن أمممممممممه يلعـب من جد ..!

طيب أبي أفهـم .. وش دخل أمــه
بالموضوع ..؟!

للأسف الشديد إن الكلمـة هذي منتشره عندنا إنتشار كبيـر ..

و الآن حاصله مع الشباب في جلساتهم ..

!!

فلان: وينك أمس يلعـن أمـك ؟

علان: أبد رحت مع فلان الله يلعـن أمه .

فلان: ليه ماقلتلي إنك بتروح معه الله يلـعن أمـك أنت ويّاه ؟

علان: وش دراني إنك بتروح يلعـن أمك !

فلان: ههههههههههههههههه .

علان: هههههههههااااااااي .


ولاَ كأنه صار شي ...!!

وللأسف إنها تقريبـآ أكثر كلمـة تنقال هالأيام ..

وكم واحد تسأله عن هالكلمه .. بيقول لك : صارت عاده ..!

هذا عذر اقبح من ذنب ..

مافيه شي تتعود عليه وإنت تدري

انـه موب زين ولا تقدر تخليه ..!

يمكن إنت تغفـل أو تـتـغـافل عن الذنب اللي تحصلـه من هالكلمـة ..!

بس لا تنسى و إنت تقول هالكلمـة أنك تسوي شيء من الكبــائـر ..

أنتم تخيلتوا معي ..؟!

كبـائـر الذنـوب

!!

صحّ عنه صلى الله عليه وسلم أنه قال
{ من الكبائر شتم الرجل والديه , قالوا : يا رسول الله وهل يشتم الرجل والديه ؟

قال : نعم , يسب أبا الرجل فيسب أباه ويسب أمه فيسب أمه } راوه مسلم .

استغفر الله وأتوب اليه



اتمنى تشاركوني بنقاشكم وابداء ارائكم النيره تجاه هذا الموضوع الخطير.. والظاهره السيئه...



تقبلو تحيتي..



اختكــم / لحظــة شـــوق ..